Удмуртия

Википедиысь материал
Удмурт Республика
Flag of Udmurtia.svg Удмурт Республикалэн гербез
Флаг Герб
Удмурт Республикалэн гимнэз
Udmurt in Russia.svg
Официальной кылъёс удмурт, ӟуч
Шоркар Иж
Тужгес бадӟым каръёс Иж, Сарапул, Вотка, Глаз
Тӧро
Премьер-министр
Кун Кенешлэн
тӧроез
Александр Бречалов
Ярослав Семёнов

Алексей Прасолов
Территория
• Ваньмыз
• Вувыл
57-тӥ интыын
42 061 км²
0,6 %
Улӥсьёс
• Дунъян (2017)
Плотность

1 516 731 адями (30-тӥ интыын)
36,07 адями/км²
Авиакомпания Ижавиа
Интернет-домен .udm.ru
Дырлэн зонаосыз MSK+1 (UTC+4)

Координатаос: 57°17′ у. ш. 52°45′ ӵ. д. / 57.283333° у. ш. 52.75° ӵ. д. (G) (O) (Я)

Удмуртия (Удмурт Республика, офиц. Удмурт Элькун, ӟуч Удму́ртия, Удму́ртская Респу́блика) — Ӵукпал Европаын интыяськем кун (республика), Россия Федерациысь субъект. Приволжской федеральной округысь улосъёс пӧлы пыре.

Шаерлэн шоркарез луэ Иж кар.

Интыяськем[Тупатыны | вики-текстэз тупатыны]

Удмурт шаер интыяськемын Шор Ураллэн шунды пуксён палаз, Кам но Ватка шуръёс вискын. Удмурт шоркарысен Мускоозь — 1 129 иськем, Санкт-Петербургозь — 1 904 иськем, Екатеринбургозь — 800 иськем, Кузонозь — 395 иськем.

Удмурт Республикалэн шунды пуксён но уйпал ласянь бускелез — Киров улос, шунды ӝужан палан — Пермь шаер, лымшор ласянь — Башкортостан но Татарстан республикаос.

Удмурт шаер интыяськемын 42,1 сюрс квадрат иськем музъем вылын, со Россия Федерацилэн муэзлэсь 0,25%-сэ басьтэ.

Инкуазь[Тупатыны | вики-текстэз тупатыны]

Чупчи шур

Удмурт шаер интыяськемын Шунды ӝужан пал-Европа равнина лэн шунды ӝужан палаз, Кам шур но солэн бур ӧрыз — Ватка — шуръёс вискын. Бадӟым зарезьёс Удмуртилэсь кыдёкын, соин ик омыр сокем чурыт ӧвӧл: толалтэзэ кезьыт но лымыё, гужемзэ пӧсь но шундыё. Тужгес но кезьыт толэзь — толшор, (шоро-куспо температура Цельсийя — 9,9 градус) самой пӧсь толэзь — пӧсьтолэзь (шоро-куспо температура Цельсийя + 20,9 градус).

Музъем узырлыкъёс пӧлысь валтӥсьёсыз — нюлэс но мувӧй. Удмурт шаерлэн музъем вылаз усьтэмын мувӧй кысконъя 114 месторождение. Удмуртиын кыскем мувӧй пӧлысь 96%-эз уже кутӥське шаерлэн палэназ.

Удмуртилэн 46 % музъемез шобыртэмын нюлэсъёсын, со пӧлысь ӝыныез — лысо писпуос. Республика узыр гыбедлы, азотнометановой интыослы, озьы ик эмъясь дэрилы но лэсьтӥськон сюйлы (луо, горд сюй, бур).

Удмуртилэн историысьтыз[Тупатыны | вики-текстэз тупатыны]

Удмурт музъемез адямиос уже кутӥллям асьме эралэсь азьло VIII—V сюрсаре ини — мезолит вакытэ. Та сярысь иворто Удмурт Республикалэн музъем вылаз шедьтэм археологияя синпелетъёс. Асьме вакытлэсь азьло VIII—III дауръёсы — корт дауре — Кама шаерын бадӟым гинэ кылдӥз ананьино культура. X даурын удмуртъёс пыризы Булгар шаере, нош XIII даурысен лымшор удмуртъёс Зарни Орда улын улӥзы, бӧрысь Кузон ханстволы пыриськизы. Уйпал удмуртъёс выжыяськизы туала Глазкар котыре (отысь тужгес тодмо археологи синпелет — Иднакар).

XVIII даурозь вашкала удмуртъёс выризы гурт удысэн, чорыг но пӧйшур кутылонэн. XIX даурлэн шораз Удмуртиын азинске корт поттон но ӵыжатон промышленность.

Быдӟым Октябрь революция дырозь Удмурт шаерлэн музъемез люкемын Кузон но Ватка губерниос куспын. Нимаз шаерлы Удмуртия пӧрмиз Октябрь революция бере гинэ.

1920-тӥ аре 4-тӥ шуркынмонэ В. И. Ленин кӧня ке выль автономи улосъёс кылдытон сярысь РСФСР-ысь ВЦИК-лэсь но СНК-лэсь постановленизэс юнматӥз. Со постановлениын верамын вал: «кылдытоно… ужась калыкъёслэсь — калмыкъёслэсь, поръёслэсь но вотякъёслэсь — автономи улосъёссэс». Озьы кылдӥз Вотяк автономи улос.

1932-тӥ аре 1-тӥ толшоре СССР-ысь ВЦИК-лэн постановлениезъя улосмылэн нимыз воштэмын вал: «Вотяк автономи улослэн коренной калыкез… удмурт калык луэ бере, …Вотяк автономи улослы выль ним сётоно: Удмурт автономи улос».

1934-тӥ аре 28-тӥ толсуре СССР-ысь ВЦИК «Удмурт автономи улосэз Удмурт Автономи Кенешо Социализмо Республикалы пӧрмытэм сярысь» постановленизэ кутэ.

20-тӥ куарусёнэ 1990-тӥ аре Удмуртиысь Вылӥ Кенеш кун суверенитет сярысь декларациез юнматӥз. Кун суверенитет сярысь декларация 25-тӥ шуркынмонэ 2003-тӥ арын палэнтэмын вал.

11-тӥ коньывуонэ 1991-тӥ арысен Удмуртиысь Вылӥ Кенеш шаермылэсь выль нимзэ юнматӥз — Удмурт Республика.

Улӥсьёс[Тупатыны | вики-текстэз тупатыны]

Удмуртстатлэн даннойёсызъя 1-тӥ толшоре 2017-тӥ арын республикаын улӥсьёслэн лыдзы вал 1 516 731 адями. Улӥсьёслэн ӵемлыксы (плотностьсы) — 36,06 адями/км² (2017). Соос пӧлысь каръёсын улэ — 65,57 % (994 504 адями).

Улӥсьёслэн лыдзы
1926[1] 1928[2] 1939[3] 1941[3] 1942[3] 1943[3] 1944[3] 1945[3] 1947[3] 1959[4]
756 264 765 300 1 186 900 1 190 400 1 167 000 1 104 700 1 054 100 1 008 600 1 079 100 1 336 927
1970[5] 1979[6] 1980[7] 1981[7] 1982[7] 1983[7] 1984[7] 1985[7] 1986[7] 1987[7]
1 417 675 1 493 670 1 500 778 1 512 390 1 524 912 1 532 621 1 542 273 1 553 271 1 563 489 1 578 648
1988[7] 1989[8] 1990[7] 1991[7] 1992[7] 1993[7] 1994[7] 1995[7] 1996[7] 1997[7]
1 592 824 1 609 003 1 611 461 1 616 684 1 622 149 1 624 841 1 620 134 1 617 386 1 612 618 1 607 712
1998[7] 1999[7] 2000[7] 2001[7] 2002[9] 2003[7] 2004[7] 2005[7] 2006[7] 2007[7]
1 603 960 1 601 409 1 595 571 1 588 054 1 570 316 1 568 176 1 561 092 1 554 292 1 545 820 1 538 602
2008[7] 2009[7] 2010[10] 2011[7] 2012[11] 2013[12] 2014[13] 2015[14] 2016[15] 2017[16]
1 532 946 1 528 236 1 521 420 1 520 390 1 518 091 1 517 692 1 517 050 1 517 472 1 517 164 1 516 731

Калыкъёс[Тупатыны | вики-текстэз тупатыны]

Удмуртия луэ трос калыкъем кун. Шаерамы сюлэсь тросгес йӧскалыкъёслэн адямиоссы уло. Соос пӧлысь ваньмызлэсь ӵемгес шедьылӥсь калыкъёс — удмуртъёс, ӟучъёс, бигеръёс, поръёс, чувашъёс, бесермянъёс.

Удмурт Республикаысь калыклэн йӧскалык составезлэн воштӥськонъёсыз:

Калык 1926[17], % 1939[18], % 1959[19], % 1970[20], % 1979[21], % 1989[22], % 2002[23], % 2010[24], %
Удмуртъёс 52,3 39,4 35,9 34,2 32,1 30,9 29,3 28,0
Ӟучъёс 43,3 55,7 56,8 57,1 58,3 58,9 60,1 62,2
Бигеръёс 2,8 3,3 5,3 6,1 6,6 6,9 6,9 6,7

Улон интыос[Тупатыны | вики-текстэз тупатыны]

Удмурт шаере пыре 6 город, 25 ёрос, 11 посёлок но 2119 гуртъёс. Шоркарез — Иж, отын улӥсез 643,5 сюрс адями (2016-тӥ арлы). Мукет каръёс: Вотка — 98,1 сюрс адями, Глаз — 94 сюрс адями, Можга — 49,7 сюрс адями, Сарапул — 98,6 сюрс адями, Камбарка — 10,6 сюрс адями.

Политика[Тупатыны | вики-текстэз тупатыны]

Президент дворец Ижын

Удмуртиын кун власть быдэсъяське Удмурт Республикалэн Президентэныз, Правительствоен но Кун Кенешен.

Удмуртиен кивалтэ президент (2017-тӥ арысен — Александр Бречалов). Правительствоен кивалтэ премьер-министр (2017 арысен — Ярослав Семёнов), республикалэн парламентэныз (Кун Кенешен) — Алексей Прасолов.

Удмурт Республика улонзэ радъя кунлэн валтӥсь законэз — Конституция — вылэ пыкъяськыса.

Территориослы люкиськон[Тупатыны | вики-текстэз тупатыны]

Ёросъёс[Тупатыны | вики-текстэз тупатыны]

Флаг Ёрос Центрез Площадез,
км²
Улӥсьёсыз,
адями
1 Flag of Alnashi Region (Udmurtia).svg Алнаш ёрос Алнаш черкогурт 896 18 997
2 Flag of Balezino Region (Udmurtia).svg Балезино ёрос Балезино пос. 2 435 31 848
3 Flag of Vavozhsky rayon (Udmurtia).png Вавож ёрос Вавож черкогурт 1 679 15 568
4 Flag of Votkinsk Reg (Udmurtia).png Вотка ёрос Вотка кар 1 864 24 326
5 Flag of Glazov Region (Udmurtia).svg Глаз ёрос Глаз кар 2 160 16 828
6 Flag of Grahovo Rayon (Udmurtia).svg Грах ёрос Грах черкогурт 968 8446
7 Flag of Debessky rayon (Udmurtia).svg Дэбес ёрос Дэбес черкогурт 1 033 12 112
8 Flag of Zavyalovo Region (Udmurtia).svg Завьял / Дэри ёрос Дэри черкогурт 2 203 72 011
9 Flag of Kambarka Region (Udmurtia).svg Камбарка ёрос Камбарка кар 763 17 164
10 Flag of Karakulino rayon (Udmurtia).png Каракулино ёрос Каракулино черкогурт 1 193 11 152
11 Flag of Kez Region (Udmurtia).gif Кез ёрос Кез пос. 2 321 20 771
12 Flag of Kizner rayon.gif Кизнер ёрос Кизнер пос. 2 131 19 175
13 Flag of Kiyasovo rayon (Udmurtia).png Кияса ёрос Кияса черкогурт 821 9568
14 Flag of Krasnogorskoe rayon (Udmurtia).jpg Красногорск ёрос Красногорск черкогурт 1 860 9187
15 Flag of Mozhga Region.jpg Можга ёрос Можга кар 1 997 27 002
16 Flag of Malaya Purga Region (Udmurtia).svg Пичи Пурга ёрос Пичи Пурга черкогурт 1 223 33 407
17 Flag of Sarapul rayon.gif Сарапул ёрос Сигаево черкогурт 1 878 24 337
18 Flag of Selty rayon.jpg Сьӧлта ёрос Сьӧлта черкогурт 1 884 10 684
19 Flag of Syumsi Region (Udmurtia).svg Сюмси ёрос Сюмси черкогурт 1 790 12 623
20 Flag of Uvinsky rayon.svg Ува ёрос Ува пос. 2 445 38 036
21 Flag of Sharkansky District.jpg Шаркан ёрос Шаркан черкогурт 1 405 18 756
22 Flag of Igra Region (Udmurtia).svg Эгра ёрос Эгра пос. 2 267 37 064
23 Flag of Yukamenskoe Rayon (Udmurtia).png Юкаменск ёрос Юкаменск черкогурт 1 020 8880
24 Flag of Yakshur-Bodya Region (Udmurtia).svg Якшур-Бӧдья ёрос Якшур-Бӧдья черкогурт 1 780 21 501
25 Flag of Yar rayon.jpg Яр ёрос Яр пос. 1 524 13 794

Каръёс[Тупатыны | вики-текстэз тупатыны]

Удмуртилэн картаез
Герб Кар округ Улӥсьёсыз Площадез, км²
I Coat of Arms of Votkinsk (Udmurtia).png Вотка 98 134 112,2
II Coat of Arms of Glazov (Udmurtia).png Глаз 93 995 68,3
III Coat of Arms of Izhevsk (Udmurtia).svg Иж 643 496 315,6
IV Coat of Arms of Mozhga (Udmurtia) (1980).png Можга 49 733 30,6
V Coat of Arms of Sarapul (Udmurtia) (1781).png Сарапул 98 569 86

Экономика[Тупатыны | вики-текстэз тупатыны]

Удмуртилэн ӟеч интые интыяськемез луонлык кылдытӥз корт поттонэз азинтыны но Россиысь валтӥсь улосъёс пӧлы пырыны. Валтӥсь предприятиос: «Ижмаш», «Ижысь механикая завод», «Ижысь электромеханикая завод», «Радиозавод», «Ижсталь».

Удмурт шаерын улӥз но ужаз быдэс дуннелы тодмо луэм конструктор М. Т. Калашников. Солы сӥзем музей шумпотыса пумита калыкез.

Транспорт[Тупатыны | вики-текстэз тупатыны]

Ижкар Аэропорт

Республикалэн музъемэтӥз ортчо 4 бадӟым автомобиль сюресъёс: Р242, Р320, Р321 но Р322. Озьы ик Удмуртия пыртӥ E22 Европаысь маршрут но М7 федерал трасса ортчо.

Шаерамы одӥг гинэ аэропорт вань. Со интыяськемын Иж кар дорын. Лобанъёсын кивалтэ кун авиакомпания — ОАО «Ижавиа».

Удмуртиын туж умой азинтэм чугун сюрес транспорт вань. Со бадӟым роль шудэ республикамес мукет улосъёсын герӟаса. Поездъёс мыно-ветло кӧня ке гожъёстӥ: «Кузон — Огырчи — Екатеринбург», «Киров — Балезино — Пермь», «Балезино — Иж — Алнаш», «Иж — Вотка», «Люкшудья — Кильмезь».

Чугун сюрес вокзалъёс
Glasov station.jpg
Mozhga. Russian city, Udmurtia region. Railroad station.jpg
Balyezino station.jpg
Sarapul train station.jpg
Глаз карысь вокзал. Можгаысь вокзал. Балезиноысь вокзал. Сарапулысь вокзал.

Со сяна, учке[Тупатыны | вики-текстэз тупатыны]

Валэктонъёс[Тупатыны | вики-текстэз тупатыны]

  1. Всесоюзная перепись населения 1926 года. М.: Издание ЦСУ Союза ССР, 1928. Том 9. Таблица I. Населённые места. Наличное городское и сельское население Эскеремын 2015-02-07 аре
  2. Статистический справочник СССР за 1928 г.
  3. 3,0 3,1 3,2 3,3 3,4 3,5 3,6 С. Н. Уваров. Сельское население Удмуртии в годы Великой Отечественной войны: историко-демографический анализ. Вестник Удмуртского университета, выпуск № 5-1 / 2014 Эскеремын 2015-01-02 аре
  4. Всесоюзная перепись населения 1959 года Эскеремын 2013-10-10 аре
  5. Всесоюзная перепись населения 1970 года. Численность наличного населения городов, поселков городского типа, районов и районных центров СССР по данным переписи на 15 января 1970 года по республикам, краям и областям Эскеремын 2013-10-14 аре
  6. Всесоюзная перепись населения 1979 г.
  7. 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 7,13 7,14 7,15 7,16 7,17 7,18 7,19 7,20 7,21 7,22 7,23 7,24 7,25 7,26 7,27 7,28 Численность населения УР на начало 1980-2014
  8. Всесоюзная перепись населения 1989 года
  9. Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более
  10. Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более Эскеремын 2013-11-14 аре
  11. Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года Эскеремын 2014-05-31 аре
  12. Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) Эскеремын 2013-11-16 аре
  13. Оценка численности постоянного населения на 1 января 2014 года Эскеремын 2014-04-13 аре
  14. Численность населения Российской Федерации по муниципальным образованиям на 1 января 2015 года Эскеремын 2015-08-06 аре
  15. Оценка численности постоянного населения на 1 января 2016 года и в среднем за 2015 год Эскеремын 2016-03-27 аре
  16. Предварительная оценка численности постоянного населения на 1 января 2017 года и в среднем за 2016 год
  17. Всесоюзная перепись населения 1926 года
  18. Всесоюзная перепись населения 1939 года
  19. Всесоюзная перепись населения 1959 года
  20. Всесоюзная перепись населения 1970 года
  21. Всесоюзная перепись населения 1979 года
  22. Всесоюзная перепись населения 1989 года
  23. Всероссийская перепись населения 2002 года
  24. Информационные материалы об окончательных итогах Всероссийской переписи населения 2010 года

Чӧлсконъёс[Тупатыны | вики-текстэз тупатыны]


Россиысь республикаос
Flag of Adygea.svg Адыгея | Flag of Altai Republic 1994.svg Алтай | Flag of Bashkortostan.svg Башкирия | Flag of Buryatia.svg Бурятия | Flag of Dagestan.svg Дагестан | Flag of Ingushetia.svg Ингушетия
Flag of Karelia.svg Карелия | Flag of Komi.svg Коми | Flag of Kabardino-Balkaria.svg Кабардино-Балкария | Flag of Kalmykia.svg Калмыкия | Flag of Karachay-Cherkessia.gif Карачаево-Черкесия
Flag of Crimea.svg Крым | Flag of Mari El.svg Марий Эл | Flag of Mordovia.svg Мордовия | Flag of Tatarstan.svg Татарстан | Flag of Tuva.svg Тува | Flag of Udmurtia.svg Удмуртия
Flag of North Ossetia.svg Уйпал Осетия | Flag of Khakassia.svg Хакасия | Flag of Chuvashia.svg Чувашия | Flag of the Chechen Republic.svg Чечня | Flag of Sakha.svg Якутия